Azərbaycanda regionun ən böyük DATA-mərkəzi istismara veriləcək

09-07-2015 / 19:17

Azərbaycanda regionun ən böyük Trier3 səviyyəli DATA-mərkəzi yaxın müddətdə istismara veriləcək.

Xeberler.az AZƏRTAC-a istinadən məlumat verir ki, bu barədə Rabitə və Yüksək Texnologiyalar Nazirliyindən məlumat verilib.

Qeyd olunub ki, regionda ən iri məlumat işləmə mərkəzinin istismara verilməsi bir çox dünya internet nəhənglərinə, sosial şəbəkə operatorları və digər beynəlxalq kampaniyalara yerli ofislər açmağa imkan yaradacaq. DATA-mərkəzində quraşdırılan serverlər trafik generasiyasını sürətləndirəcək ki, bu da istifadəçilərin kontentə çıxışını asanlaşdıracaq, internet xidmətlərinin ucuzlaşmasına xidmət edəcək.

DATA-mərkəzi bulud servislərin populyarlaşmasına və bulud texnologiyalara keçid prosesini sürətləndirəcək. Mərkəz həmçinin regionun digər ölkələri və Google, Facebook kimi böyük şirkətlərə xidmət göstərəcək.

Layihə BMT-nin İnkişaf Proqramının dəstəyi ilə reallaşdırılır. Məlumat emalı mərkəzi ümumi sahəsi min kvadratmetr olan sahədə yaradılıb. İlkin mərhələdə server şkafların sayı 200 ədəd, massivin həcmi 30 petabayt, verilənlərin ötürülmə sürəti saniyədə 10-100 qiqabit təşkil edəcək. Tələbatdan asılı olaraq, DATA-mərkəzin gücü artırılacaq.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.