Azərbaycanda daha iki Data mərkəz tikilir

20-09-2019 / 13:55

Azərbaycanda daha iki "Tier 3" səviyyəli Data mərkəzi inşa olunur.

Xeberler.az-ın verdiyi məlumata görə, tikilməkdə olan obyektlərin baş Məlumat Emalı Mərkəzi Bakıda, Ehtiyat Mərkəzi isə Göyçayda yerləşəcək.

Mərkəzlərin tikinti işləri plana uyğun olaraq 2020-ci ilin əvvəli başa çatdırılacaq, mart ayında isə obyektlər sertifikasiyadan keçəcək.

Layihənin operatoru qismində "PASHA Technology" şirkəti çıxış edir.

Qeyd edək ki, Azərbaycanda ilk "Tier 3" səviyyəli Data Mərkəzi Bakıda 2016-cı ilin sonunda Nəqliyyat, Rabitə və Yüksək Texnologiyalar Nazirliyinin "AzInTelecom" MMC tərəfindən istifadəyə verilib. Data Mərkəzi bulud əsaslı İT həllər, eləcə də beynəlxalq trafik və sertifikatlaşdırma ilə bağlı digər xidmətlər də təqdim edir. Mərkəz vasitəsilə şəbəkələrarası sərhəd qoşulma nöqtələrində siqnal protokollarının ötürülməsinə, media-kanalların keyfiyyətinə, paketlərin gecikməsi və itməsinə də nəzarət həyata keçirilir.

Xatırladaq ki, cari ilin sonunadək Yevlax rayonunda "AzInTelecom"un Ehtiyat Data Mərkəzi də istifadəyə veriləcək.

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.