E - HÖKUMƏT

Xeberler.az bu il istifadəyə veriləcək Regional DATA Mərkəzin - BULUD Platformasının əhəmiyyəti ilə bağlı sorğu keçirib.

Sorğuda iştirak edənlərə bu sual ünvanlanıb: “Bu il istifadəyə veriləcək Regional DATA Mərkəzin - BULUD Platformasının ölkəmiz üçün əhəmiyyətini necə dəyərləndirirsiniz? Bununla da ölkəmiz hansı üstünlüklər əldə edəcək?”

Səsvermədə iştirak edənlərin 38 faizi düşünür ki, bu olduqca müsbət hadisədir. Qlobal informasiya resursları ( Google, Facebook, Amazon və s. ) və beynəlxalq telekom operatorların ölkəmizə marağı artacaq.

Sorğunu cavablandıranların 13 faizinin fikrincə Azərbaycanın qlobal informasiya məkanına inteqrasiyası sürətlənəcək.

Sorğuda iştirak edənlərin daha 13 faizi isə bu fikirdədir ki, dövlət sektorunun da BULUD-a inteqrasiyası büdcə xərclərinə qənaət etməyə imkan verəcək.

Səsverənlərin 13 faizi isə BULUD texnologiyaları üzərindən göstərilən xidmətlərin cari xərcləri azaldacağı və qiymət endirimini stimullaşdıracağı fikrindədir.

Regional DATA Mərkəzin - BULUD Platformasının yaradılması ilə İT sektoru üçün hər hansı müsbət dəyişikliyi gözləməyənlər isə səsvermənin nəticəsinə əsasən 25 faiz təşkil edir.

Xəbər  verdiyimiz kimi Rabitə və Yüksək Texnologiyalar Nazirliyinin Beynəlxalq Əlaqələr və Hesablaşma Mərkəzinin nümayəndəsi Məzahim Quliyev bu il ölkəmizdə “Tier III” səviyyəsində  Regional Data Mərkəzinin yaradılacağını bildirib.

Xeberler.az