Məlumat veriyimiz kimi, hazırda Azərbaycanda ilk Tier III səviyyəli regional DATA mərkəzi (Məlumatların Emalı və Saxlanılması Mərkəzi) yaradılır.
Xeberler.az -ın məlumatına görə, DATA mərkəzlərin sertifikatlaşdırılması sahəsində ixtisaslaşan ABŞ-ın Uptime İnstitutunun mütəxəssisləri Azərbaycanın ilk Tier III səviyyəli regional DATA mərkəzinin (Məlumatların Emalı və Saxlanılması Mərkəzi) sertifikatlaşdırma mərhələsinə başlayıblar. Sertifikatlaşdırma (design certificate və facility certificate) prosesinə avqustun 24-dən start verilib.
“ Hazırda mərkəzin sertifikatlaşdırılması davam edir. Hələlik bu fəaliyyətlə bağlı bütün işlər qaydasındadır. DATA mərkəzin sertifikatlaşdırılması ilə bağlı verilmiş standartalara uyğun texniki parametlər hazırlanır”.
Bu barədə Xeberler.az-a Azerbaijan International Telecom (AzİnTelecom) Məhdud Məsuliyyətli Cəmiyyətinin texniki işlər üzrə direktor müavini Məzahim Quliyev məlumat verib.
Onun sözlərinə görə, DATA mərkəzin sertifikatlaşdırma mərhələsi yaxın 15 gün ərzində tamamlanacaq.
Məzahim Quliyev DATA Mərkəzin istifadəyə veriləcəyi tarixdən də danışıb:
“Məlumatların Emalı və Saxlanılması Mərkəzinin oktyabr ayında istifadəyə verilməsi nəzərdə tutulur. Rəhbərliklə müzakirələrdən sonra istifadə tarixini açıqlayacağıq”.
Qeyd edək ki, sözügedən sertifikat prosesin dəqiqliklə icra olunduğunu, mərkəzin fəaliyyət keyfiyyətini təsdiqləyən beynəlxalq sənəddir. Bu sertifikatın əldə olunmasını zərurətə çevirən başqa amil də var. Belə ki, beynəlxalq operatorlar trafik mübadiləsi zamanı DATA mərkəzlərin Uptime İnstitutunun müəyyənləşdirdiyi meyarlara cavab verməsini əsas tələb, mütləq şərt kimi irəli sürürlər.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri