MOBİL RABİTƏ

Azercell  abunəçi sayına və təqdim etdiyi rabitə xidmətinin keyfiyyətinə görə Azərbaycan rabitə bazarında liderliyini davam etdirir.

Şirkət abunəçilərinin rahatlığı və öz yaxınları ilə hər zaman keyfiyyətli əlaqə qurması üçün baza stansiyalarının sayını artırmaqdadır.

Şirkətdən Xeberler.az-a verilən məlumata görə, hazırda ölkə ərazisində Azercell-in 2796 sayda 2G, 2141 sayda 3G və 274 sayda 4G baza stansiyası mövcuddur.

Bundan əlavə şirkət tərəfindən 1894 baza stansiyanın fəaliyyəti gücləndirilib.

Hər zaman abunəçilərini yüksək səviyyəli xidmətlə təmin etmək üçün öz şəbəkəsini təkmilləşdirən Azercell toplam 5211 baza stansiyası ilə fəaliyyət göstərir. 

Baza stansiyalarının sayının artırılması Azercell-in indi həm səs xidmətləri, həm də sürətlə artan mobil data üçün daha da güvənli və yüksək tutumlu şəbəkəyə sahib olması deməkdir.

 Son illər ərzində Azercell yalnız Bakı şəhəri boyu 3G şəbəkəsinin tutumunu 77%, ölkə üzrə isə ümumilikdə şəbəkəsini 25% gücləndirib.

Məlumat üçün qeyd edək ki, Azercell regionda və ölkədə ilk və ən böyük LTE (4G) şəbəkəsinə sahibdir.

Nəqliyyat, Rabitə və Yüksək Texnologiyalar Nazirliyinin də apardığı araşdırmalara görə bu gün Azercell ölkədə ən yüksək sürətli mobil internet xidmətini təqdim edir. 

Bu gün üçün Azercell-in təqdim etdiyi mobil internetin 4G şəbəkəsini 84.1 % gücləndirib, nəticədə Azercell abunəçiləri arasında mobil internetdən istifadə həcmi son il ərzində 14 dəfə artıb.

Bir sıra innovativ konsepsiyaları ilk olaraq Azərbaycana gətirən Azercell ölkədə ilk dəfə olaraq GSM texnologiyası, GPRS/EDGE, həmçinin, 4G şəbəkəsini təqdim edib.

Məltəm Talıbzadə