Azercell müştərilərinin mobil internetdən istifadə həcmi 30 faiz artıb

09-12-2022 / 14:15

Azercell müştərilərinin mobil internetdən istifadə həcmi 30% artıb!                           
Xeberler.az bildirir ki, lider mobil operator ölkənin müxtəlif regionlarında 57 yeni baza stansiyasını
quraşdırıb.

Cari ilin avqust ayında şəbəkəsinin modernləşdirilməsi və genişləndirilməsi üzrəgenişmiqyaslı layihəyə start verən Azercell bu istiqamətdə aparılan işləri davam etdirir.

Layihənin növbəti mərhələsini uğurla başa vuran şirkət Bakı və Abşeron ərazisində 38, bölgələrdə isə 19 yeni baza stansiyasını quraşdırıb, ölkə üzrə 900-dən çox baza
stansiyasında təkmilləşdirmə işləri aparıb. Yeni quraşdırılan baza stansiyalar Göycay,
Astara, Ağdaş, Qusar, Yardımlı, Kürdəmir, İsmayıllı, Şəki, Şabran və Qəbələ zonalarını əhatə edib. Görülən tədbirlərin və şəbəkə tutumunun artması nəticəsində cari ilin üçüncü kvartalında ötən ilin müvafiq dövrü ilə müqayisədə internet trafikinin həcmində 30% artım müşahidə edilib.

İşğaldan azad olunmuş torpaqlarda da keyfiyyətli mobil rabitə şəbəkəsinin
genişləndirilməsini prioritet hesab edən Azercell bu ərazilərdə 3 yeni baza stansiyasını təqdim edib, 60-a yaxın baza stansiyasında təkmilləşdirmə işləri aparıb.

Qeyd edək ki, hazırda işğaldan azad olunmuş Qarabağda Azercell-in 90-dan çox baza stansiyası fəaliyyət göstərir və Azercell şəbəkəsi Şuşa, Ağdam, Füzuli, Cəbrayıl,
Zəngilan, Qubadlı və Kəlbəcər rayonlarını, İstisu, Hadrut, Suqovuşan qəsəbələrini,
həmçinin Xocavənd və digər rayonların kəndlərini öz şəbəkəsi ilə əhatə edir. Təkcə
Laçın rayonunda mobil operator 10-dan çox baza stansiyası quraşdırıb və Zabux, Sus, eləcə də digər kəndlərdə mobil rabitə xidmətləri göstərir.

Paralel olaraq,  Azercell Qarabağda ətraf mühitin qorunması maqsədilə “yaşıl” texnologiyaların tətbiqinə davam edir və 2023-cü ilin sonunadək bu ərazilərdə günəş
enerjisinə əsaslanan 35 baza stansiyasını istismara verməyi planlaşdırır. “Yaşıl”
stansiyalardan ikisi artıq Qubadlı və Cəbrayılda istifadəyə verilib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.