“Azercell qanunvericiliyin tələblərinə uyğun fəaliyyət göstərir”-Açıqlama

15-11-2016 / 15:07

Məlumat verdiyimiz kimi, Azərbaycanda rabitə müəssisələri (operatorlar) ilə bağlı yeni tələblər irəli sürülür.

Belə ki, Milli Məclisdən verilən məlumata görə, bununla bağlı İnzibati Xətalar Məcəlləsinə 362-1 və 362-2 maddələrinin əlavə edilməsi təklif olunur.

362-1 maddəsində rabitə müəssisələri (operatorlar) tərəfindən rabitə vasitələrinin satışı və istifadəsi zamanı xidmət göstərilən fiziki və hüquqi şəxslərlə bağlanan müqavilələrdə və abunəçilərə dair məlumat bazalarında nəzərdə tutulması vacib olan məlumatların daxil edilməməsinə görə cərimələrin tətbiqi nəzərdə tutulur.

Həmin maddəyə əsasən, yuxarıda qeyd olunan tələbin yerinə yetirilməməsinə görə, vəzifəli şəxslər iki min, hüquqi şəxslər üç min manat miqdarında cərimə edilir. Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə vəzifəli şəxslər dörd min, hüquqi şəxslər altı min manat cərimə edilir.

362-2-ci maddədə isə ərizəçiyə dair məlumatların vahid məlumat bazasına elektron formada daxil edilmədən telefon nömrələrinin (sabit, mobil) operatorların şəbəkəsində aktivləşdirilməsinə görə cərimələr nəzərdə tutulur. Bu tələbin yerinə yetirilməməsinə görə, vəzifəli şəxslər iki min, hüquqi şəxslər üç min manat miqdarında cərimə edilir. Həmin xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə vəzifəli şəxslər dörd min, hüquqi şəxslər altı min manat cərimə edilir.

Təklif edilən dəyişikliklərin Milli Məclisin növbəti plenar iclaslarında müzakirəyə çıxarılacağı gözlənilir.

Bu yeni təklif mobil operatorların fəaliyyətinə  necə təsir edəcək? Ümumiyyətlə, onlar Milli Məclisin yeni tələbələrini necə qiymətləndirir?

“Müvafiq layihə ilə bağlı təklif və rəy bildirilməsi üçün Azercell Telekom-a hər hansı müraciət daxil olmayıb”.

Bu barədə sorğumuza cavab olaraq Azercell şirkətindən məlumat verilib.

Qeyd edilib ki, fəaliyyətini Azərbaycan Respublikası qanunvericiliyinə uyğun qurmuş Azercell Telekom, qanunvericiliyin tələblərinə riayət edir:

“Bu baxımdan qanunvericilikdə hər hansı dəyişiklik olduqdan, Azercell tərəfindən müvafiq normalara riayət edilməsi təmin edilir. Bundan başqa nömrələrin satışını təşkil edən diler\distribütorlar vasitəsi ilə nömrələrin istifadəyə verilməsi ilə bağlı müqavilə bağlanarkən, müvafiq qrafalarında uyğun bilgilərin daxil edilməsinə daima xüsusi diqqət göstərilir. Şirkətimiz tərəfindən diler və distribütorların əməkdaşları daima tədrislərə cəlb edilərək, xüsusi təlimlər alırlar”.

Şirkət qeyd edir ki, istifadəçilərlə  müvafiq müqavilə bağlanmasında əsas prinsiplərindən birinin məhz abunəçi bilgilərinin müqaviləyə dəqiq və dolğun daxil edilməsi olduğu xüsusi ilə izah edilir.

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.