“Azərpoçt” bu il yeni idarəetmə modulları istifadəyə verəcək

06-01-2009 / 14:10

Rabitə və İnformasiya Texnologiyaları Nazirliyinin “Azərpoçt” Dövlət Müəssisəsi (DM) bu ilin sentyabr ayına kimi Avtomatlaşdırılmış Korporativ İnformasiya Sisteminin (AKİS) tətbiqi layihəsi çərçivəsində üç yeni modul istifadəyə verəcək. Yeni modullar likvidliyin, depozitlərin və maliyyə xidmətlərinin verilməsi üçün nəzərdə tutulub. Bu barədə Rabitə və İnformasiya Texnologiyaları Nazirliyindən məlumat verilib.

“Azərpoçt” DM artıq poçt modulu və qeydiyyata nəzarətin avtomatlaşdırılması modulunun yaradılması ilə bağlı işlərə başlayıb. Poçt modulunun yaradılması üzrə işlərin bu ilin ilk rübünün sonuna kimi yekunlaşdırılması planlaşdırılır.

Qeyd edək ki,  artıq layihə çərçivəsində iki modulun test istifadəsinə başlanılıb. Bu, mühasibat hesabatı və xidmət ödənişləri üzrə modullardır.

Sistemin yaradılması üzrə işlər Rabitə və İnformasiya texnologiyaları Nazirliyi, Azərbaycan Milli Bankı, FACP konsaltinq şirkəti, “Azərpoçt” DM, icraçı şirkət olan “HP Azərbaycan” və onun layihədəki tərəfdaşları “Colvir” və “Sinam” şirkətləri tərəfindən həyata keçirilir.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.