Aztelecom abonentlərin hüquqlarını pozur

23-09-2019 / 15:01

Xeberler.az-a bir neçə müddətdir ki, şikayət məktubları daxil olur. Həmin məktublarda qeyd edilir ki, Gəncə şəhərində telefon xəttlərinin fiber-optik şəbəkəyə dəyişdirilir. Adsl  internet istifadəçisi olan abonentlər isə məcburi şəkildə Aztelekom-un internet şəbəkəsinə qoşulur. Digər özəl provayderlərin isə adsl internet xidməti göstərməsinə şərait yaradılmır, onlar xəttə buraxılmır.

Gəncə şəhər sakini İsmayılov Orxan Mehman oğlu Aztelekomun göstərdiyi internet  xidmətinin keyfiyyətsiz olmasından şikayətçidir. O. İsmayılov abonent kimi ona azad seçim hüququnun verilmədiyini, Aztelecomun bu hüququ onların əlindən aldığını bildirir.

O, özəl provayder olan Azeronline adsl istifadəçisi olduğu halda həmin provayderə Aztelekomun yer vermədiyini bu səbəbə görə məcburən Aztelekomun adsl internet xidmətinə qoşulduğunu bildirib. Onun sözlərinə görə, Aztelekomun təqdim etdiyi internet keyfiyyətsizdir.

Şikayətçinin sözlərinə əsasən, Gəncə şəhərində Aztelekomun adsl internet xidmətinin sürəti maksimum 0.8 mb/s-ə çatır. 

Şikayətçi digər provayderlərin də adsl internet şəbəkəsinə buraxılmasını və istifadəçilərə xidmət göstərməsini xahiş edir.
 
Orxan İsmayılov digər provayderə qoşula bilməməsinin səbəbini provayderlərdən soruşduqda, şəbəkəyə onları Aztelekom-un yaxın buraxmamasını bildirdiklərini deyir. Şikayətçi Aztelecomun bərbad və keyfiyyətsiz xidmət göstərməsindən narazı olduğunu bildirib.

Pərvin Hacıyeva

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.