Özəl provayderlərə qarşı haqsız rəqabət aparılır

00-00-0000 / 17:54

"Nəqliyyat Rabitə və Yüksək Texnologiyalar Nazirliyinin (NRYTN) yerli qurumları yenə öz ampulasındadır. Abşeron Telekommunkasiya Qovşağı yenə də günün-günorta çağı özəl provayderlərin Abşeron ərazisindəki ADSL müştərilərini “oğurlamaqla” məşğuldur.  Yenə də özəl provayderlərin ATS-dəki avadanlıqları söndürülür və xidmət göstərməyə imkan verilmir". 

Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib.

"Özəl provayderlər ADSL xidmətini göstərmək üçün məcburdurlar ki, Telekommunikasiya Qovşaqlarının binasından və onlara məxsus telefon xətlərindən istifadə etsinlər. 

AzTelekom isə deyir ki, kommersiya səlahiyyətim var və xidməti elə özüm göstərəcəyəm. Və özəllərin müştərilərini onların razılığı olmadan AzTelekom şəbəkəsinə keçirir" - deyə ekspert bildirib.

Osman Gündüzün sözlərinə görə, "Avirtel və digər provayderlər artıq bununla bağlı məhkəmələrə üz tutublar. Avirtel haqsız rəqabət apardığı üçün AzTelekomun Abşeron Telekommunkasiya Qovşağını məhkəməyə verib.

İş məhkəmədə olmasına baxmayaraq təbii inhisar subyekti olan Abşeron Qovşağı yendiən özəl provayderlərə qarşı haqsız rəqabət aparır.

Ümid edirəm NRYTN, Antimopol Dövlət Xidməti və digər aidiyyatı qurumlar qovşaq rəislərinin qanunsuz göstərişlərinin qarşısını ala və haqsız rəqabətə son qoya biləcəklər".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.