AzEvroTel internet qiymətlərini yenidən endirəcək!!!
28-02-2009
10:42
AzEvroTel birgə müəssisəsi də gələn aydan internet xidmətləri üzrə tarifləri 50 - 75 faiz endirəcək. Eyni zamanda, mart ayının 1-dən etibarən ADSL və ayrılmış xətt vasitəsilə göstərilən internet xidmətləri üzrə tariflərini 50 - 75 faiz endirəcək. Trafik üzrə göstərilən ADSL xidmətlərinin tarifləri trafikin 2 dəfə aparılması və aşağı sürətlərdə internetin ləğvi vasitəsilə 50 faiz endirilib. Limitsiz ADSL xidmətlərinin qiymətlərində isə 50 faiz endirim tətbiqlənib.
Qeyd edək ki, bir müddətdir bəzi internet provayderləri qiymətləri iki dəfə aşağı salıblar. Növbəti endirim isə mart-aprel aylarında baş tutacaq. Ucuzlaşma isə provayderlərdən asılı olacaq. Rabitə və İnformasiya Texnologiyaları Nazirliyindən verilən məlumata əsasən, provayderlər özəl şirkət olduğundan qiymətlərin hansı səviyyədə aşağı düşməsinə özləri məsuliyyət daşıyacaq.
