İNNOVASİYA VƏ STARTAP

Azərbaycan Texniki Universitetinin (AzTU) İnkubasiya Mərkəzində, universitetin və “Startap Azərbaycan” platformasının təşkilatçılığı ilə İKT fakültəsi üzrə “Startap Günləri” start götürəcək.

Xeberler.az xəbər verir ki, tədbir AzTU İnkubasiya Mərkəzinin təşkilatçılığı ilə 21–22 noyabr 2025-ci il tarixlərində baş tutacaq.

Bildirək ki, “Startap Günləri” tələbələrə innovativ ideyalarını reallaşdırmaq və gələcək karyeraları üçün mühüm addım atmaq imkanı yaradır. Tədbirdə iştirakçılar üçün bir sıra fürsətlər nəzərdə tutulub:

• Öz ideyalarını ekspertlərlə birlikdə dəyərləndirmək və inkişaf etdirmək

• Startap nümayəndələri və investorlarla birbaşa əlaqə qurmaq

• Maraqlı insanlarla tanış olaraq yeni əməkdaşlıq şəbəkəsi qurmaq

• Güclü və yaradıcı komanda formalaşdırmaq

• Praktiki təlimlər vasitəsilə yeni bilik və bacarıqlar əldə etmək

• Heç bir xərc tələb olunmadan karyera inkişafı üçün real imkanlar qazanmaq

• Müsabiqələrdə ideyalarını təqdim edərək layihələrinə diqqət çəkmək

• Gələcəkdə faydalı olacaq sertifikatlar əldə etmək

Qeyd edək ki, “Startap Günləri”nin təşkilinə İnnovasiya və Rəqəmsal İnkişaf Agentliyi dəstək göstərir.

Tədbirlə bağlı daha geniş məlumatı incubator.az və startup.az saytlarından əldə etmək mümkündür.

Qeydiyyat linki: https://forms.gle/dei7XPYGBhMUYtKbA