“Bakcell”dən “Pulsuz zəng” adlı yeni məhsul

16-09-2021 / 16:41

Bakcell şirkəti korporativ abunəçilər üçün tam yeni məhsul istifadəyə verib. “Pulsuz zəng” adlanan bu xidmətdən “Bakcell”in həm mövcud, həm də potensial korporativ abunəçiləri yararlana bilər.

Yeni təqdim olunan bu təklifdən istifadə edən korporativ abunəçinin müştəriləri onlara pulsuz zəng edə biləcək, çünki həmin zəngin dəyəri təşkilatın özü tərəfindən ödəniləcək. Bu xidmət Azərbaycanda fəaliyyət göstərən və istehlakçılarla birbaşa işləyən bütün bank, taksi və digər sahələrdə fəaliyyət göstərən şirkətlər üçün nəzərdə tutulub.

Qeyd edək ki, “Bakcell”in sözügedən məhsulundan Azərbaycanda ilk dəfə ölkənin birinci rəqəmsal bankı olan “Leobank” istifadə edəcək. Beləliklə,“Leobank” istifadəçiləri banka zəng edərkən heç bir vəsait ödəməyəcək.

Yeni xidmət barədə daha ətraflı məlumat https://business.bakcell.com/az/special-offers -mobileinternet səhifəsində yerləşdirilib.

Korporativ və fərdi abunəçiləri bazarda ən üstün müştəri təcrübəsi ilə təmin etmək üçün Bakcell öz şəbəkəsini, xidmət keyfiyyətini və məhsullarını təkmilləşdirməyə davam edəcək.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.