TƏDBİRLƏR

Məlumat verdiyimiz kimi, dünən Qafqaz Universitetində növbəti CEO Summit keçirilib.

Xeberler.az-ın məlumatına görə, tədbiri giriş sözləri ilə açan Business Talk şirkətinin ortaq qurucusu Eyyub Hüseynzadə iştirakçıları salamlayaraq Summit-in yaradılması, fəaliyyət istiqaməti barədə ətraflı məlumat verib.

CEO Summit-də Azərbaycan və türk dillərində keçiriləcək sammitdə 6 spiker iş və karyera həyatı haqqında çıxış edib.

Spikerlər arasında Psixologiya və Konsultasiya Mərkəzi-nin təsisçi rəhbəri Elnur Rüstəmov, Uni Baby Türkiyə-nin təsisçi rəhbəri Ataman Özbay, T&J Marketing Solution-un təsisçi rəhbəri Teymur Məmmədov, Golden Pay-in təsisçi rəhbəri Fərid İsmayilzadə, Horeca.com.az və İdeya Qazandı Verlişi-nin təsisçi rəhbəri Rəşxan Qaraşlı yer alıblar.

CEO Summit-də E.Rüstəmov “Uğurun psixologiyası”, A.Özbay “40-a qədər tərləməyən, 40-dan sonra ağlar”, T.Məmmədov “Gününə təkan ver həyatını yaşa - Kofe effekti”, F.İsmayılzadə “Texnologiya dünyanı hara aparır?”, R.Qaraşlı “Özün ol” mövzusunda çıxış edib.

Ataman Özbay Azərbaycanı çox sevdiyini xüsusui olaraq vurğulayıb.

Summit “İş həyatı”, “Karyera”, “Təşəbbüskarlıq”, “Qlobal şirkətlərdə idarəçi olmaq”, “Bir iş adamının həyat hekayəsi”, “Özünü inkişaf” və sahibkarlıq mövzusunda olub.

 Bundan başqa, sammit çərçivəsində həmin gün saat 18:00-19:00-da türkiyəli iş adamı A.Özbayın “7 yaşımda bindiğim kamyonun frenleri patladı ve hayata yuvarlandım” adlı kitabının imza saatı da keçirilib.

Proqramın rəsmi səhifəsi www.ceosummit.az veb-saytı, əsas təşkilatçısı isə Business Talk (www.businesstalk.az) təşkilatıdır.

Xeberler.az İKT portal da tədbirin rəsmi informasiya tərəfdaşı qismində çıxış edir.

Qeyd edək ki, proqramın baş sponsoru LİB Dil Dərsləri, gümüş sponsoru IB Club -Gənclərin İnkişaf Mərkəzi, bürünc sponsoru isə Key Probject -Xaricdə Təhsil Mərkəzi-dir.

Məltəm Talıbzadə