Mayın 28-də Bakıda növbəti e-ticarət tədbiri keçirilib.
Etimag-dan Xeberler.az-a verilən məlumata görə, ITC Plazada keçirilən tədbir ETI (Elektron Ticarət İcması) və ETİD (Elektron Ticaret İşletmecileri Derneği) tərəfindən təşkil olunub.
Tədbir Azərbaycanın Dövlət Himni ilə başlayıb.
Tədbirdə Teknosa.com və Kliksa.com qurucusu Hakan Orhun, ePttAVM şirkətinin Satış direktoru Can Arıca, Lezzetlihediyyeler.com CEO-su Ömer Gürkan, iyzico şirkətinin marketinq direktoru Cağdaş Önen, Garanti Bankası e-ticarət,onlayn və mobil ödənişlər üzrə Baş direktoru Arda Çağaptay , ETİ rəhbəri Rəşad Camal, Axundov Group -un təsisçisi və CEO-su Telman Axundov Lalafo.az şirkətinin CEO-su Kostiantyn Miska kimi mütəxəssislər təcrübə və biliklərini bölüşüblər.
Tədbirdə ETİ rəhbəri Rəşad Camal “Köhnə Biznes Modellərindən Yenisinə keçid” mövzusunda çıxış edib. O, elektron ticarətin gələcəkdə daha da genişlənəcəyini vurğulayıb:
"Hazırda dünyanın bir çox pərakəndə mağazalarının bağlandığını görürük. Çünki onlar öz ticarətlərini daha geniş formada internet üzərindən qururlar.”
Rəşad Camal tədbirdə ETİ və ETİD arasında əməkdaşlıq və partnyorluq sazişi imzalandığını və bundan sonra bu tip tədbirlərin daha tez-tez təşkil ediləcəyini elan edib.
Teknosa.com və Kliksa.com qurucusu Hakan Orhun eTicarətdə iş planının qurulmasından danışıb.
O, ticarətdə keyfiyyətin xüsusi önəmini vurğulayaraq, keyfiyyətin düzgün təbliğinin sağlam rəqabət baxımından vacib olduğunu deyib. Həmçinin e-ticarətə başlayarkən qarşıya çıxan problemlər və onlların həlli yolları ilə bağlı da tövsiyələr verib.
“Garanti Bankası” e-ticarət,onlayn və mobil ödənişlər üzrə Baş direktoru Arda Çağaptay çıxışında bankların e-ticarətin inkişafında bilavasitə rolu olduğunu bildirib. Həmçinin təmsil etdiyi bankın e-ticarət-ə verdiyi dəstək, ortaya çıxan problemlər və həlli yolları barədə maraqlı informasiya paylaşıb.
Tədbirin sponsorları Azal, Portmanat.az və e-pul.az-dır. Tədbirin təşkilati dəstəyi www.shopera.az , media dəstəyi isə www.etimag.az –a məxsusdur.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri