TƏDBİRLƏR

Məlumat verdiyimiz kimi, Bakıda ilk dəfə Business Talk şirkətinin təşkilatçılığı ilə CEO SUMMİT BAKU 2015 adlı tədbir keçirilib.

Qafqaz Universitetində təşkil olunan tədbirdə “İş həyatı, karyera, qlobal şirkətlərdə idarəçi olmaq, bir CEO-nun həyat hekayəsi, özünü inkişaf” mövzusunda olub.

Xeberler.az-ın məlumatına görə, tədbirdə tanınmış şirkət  təsisçilərindən( CEO) olan 6 spikerin çıxışı dinlənilib.

Belə ki, Azərbaycan Universitetinin rektoru Fərid Əhmədov “İş həyatında təhsilli insamı yoxsa əxlaqlı insamı?” mövzusunda çıxış edib. Bu məsələnin iş həyatında tənzimlənməsi ilə bağlı beynəlxalq təcrübəsini gənclərlə bölüşüb.

P&G Azərbaycan və Gürcüstan üzrə direktoru Taygun Gunay  isə “Qlobal markalarda idarəçi olmaq” ilə bağlı maraqlı təqdimat edib. O, bir neçə ildə necə idarəçi olmağından, bazara  markalar adında yeni  və faydalı məhsul təqdim etməkləri barədə öz təcrübəsini paylaşıb.

MADO Azərbaycan-nın  direktoru Kamran Məşədiyev “Uğurlu biznesin təməlləri “ mövzusunda çıxış edib. O, Mado brendinin ilk dəfə Azərbaycana gətirilməsi ilə bağlı qarşılaşdıqları problemlərdən və sonra bu sahədə qazandıqları uğurlardan danışıb. Başına gələn maraqlı hadisələri bölüşüb.

Mado ilə bağlı gənclərin çoxsaylı suallarını cavablandırıb.

Koç Sistem Azərbaycan-nın direktoru Ali B. Kutvan “Şirkətlərdə Stratejik İdarəetmə” mövsunda təqdimat edib. O, həm  Türkiyə, həm də Azərbaycanda tətbiq etdikləri straterjik idarəetmə modeli ilə bağlı ətraflı məlumat verib.

KoçSistem-in Azərbaycandakı fəaliyyəti ilə bağlı gənclərin çoxsaylı suallarını cavablandırıb.  

Mc Donalds İngiltərə və Türkiyə üzrə sabiq təlim və əməliyyat direktoru Ahmet Murtezaoğlu “Markaları marka edən loqoları deyil, içindəki insanlardır” ilə bağlı təqdimat edib.

Scentlinq Group-un Azərbaycan,Gürcüstan, İndoneziya  üzrə  rəhbəri Bəhruz Babayev “Qlobal biznes əlaqlər” mövzusunda təqdimat edib. Bununla bağlı gənclərin suallarını cavablandırıb.

Məltəm Talıbzadə