“Baktelecom” Vətən müharibəsində iştirak etmiş rabitəçilərlə görüş keçirib

10-07-2021 / 17:10

“Bakı Telefon Rabitəsi” MMC-nin (“Baktelecom”) inzibati binasında 44 günlük Vətən müharibəsində iştirak etmiş rabitəçilərlə görüş keçirilib.

“Baktelecom”dan Xeberler.az-a bildirilib ki, öncə ölkəmizin ərazi bütövlüyü uğrunda şəhid olan qəhrəmanların xatirəsi bir dəqiqəlik sükutla yad edilib. Daha sonra Azərbaycan Ordusunun Vətən müharibəsində göstərdiyi tarixi qəhrəmanlıq və peşəkar döyüş taktikası vurğulanıb. Tarixi Qələbənin əldə edilməsində əsgərlərimizin göstərdiyi şücaətdən bəhs olunub.

Tədbirdə qurumun veteran əməkdaşlarının döyüş xatirələri də dinlənilib. Çıxış edənlər azadlıq müharibəsi zamanı xalqın birliyindən söz açaraq Ali Baş Komandanın çağırışına hər an hazır olduqlarını bildiriblər.

Görüş zamanı müharibədə iştirak edən rabitəçilərə “Bakı Telefon Rabitəsi” MMC tərəfindən təsis edilən təşəkkürnamələr və xatirə hədiyyələri təqdim edilib.

Qeyd edək ki, İkinci Qarabağ müharibəsi zamanı “Baktelecom”un 36 əməkdaşı döyüşlərə yollanıb, onlardan 2-si vətən uğrunda qəhrəmancasına şəhid olub.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.