BBF startaplar üçün təlimlərə başlayır

01-02-2016 / 13:26

Baku Business Factory gənclərin biznes biliklərinin artırılması ilə bağlı fəaliyyətlərinə davam edir.

BBF gənc təşəbbüskarlar üçün seminarlar təşkil etməyə başlayır.

Təşkilatdan Xeberler.az-a verilən məlumata görə,  fevral ayından etibarən mərkəzdə gənc təşəbbüskarlar üçün mütəmadi olaraq tanınmış mütəxəssislər tərəfindən seminar və təlimlər təşkil ediləcək.

 Bu tədbirlərdə mərkəzin üzvləri ilə yanaşı bu mövzularda maraqlı olan istənilən şəxs iştirak edə bilər, yəni tədbirlərdə iştirak hamıya açıqdır. Bunun üçün təşkilatın facebook səhifəsinə və ya e-mail adresində ([email protected]) adınızı, soyadınızı və iştirak etmək istədiyiniz seminarın adını göndərməyiniz kifayətdir.

Bu mövzuda keçiriləcək ilk tədbir tanınmış marketoloq Rəhman Əhmədovun təqdimatında “Markanın Mövqeləndirilməsi” mövzusunda seminar olacaq.

Rəhman Əhmədov Lokal Market(ing) 1 və Lokal Market(ing) 3 kitablarının müəllifidir. O, Qafqaz universiteti, Azərbaycan Dövlət İqtisad Universiteti, Turizm Universiteti və Azərbaycan Universitetində Marketinq Menecmenti dərsini tədris edir və eyni zamanda Aztol Motorsda Marketinq Direktoru vəzifəsində çalışır.

Seminar Baku Business Factory-nin Nizami küçəsi 203, AF Business House, 3-cü mərtəbəsində yerləşən ofisində keçiriləcək.

Tarix: 6 fevral, Saat: 14:00 – 15:30.

 Baku Business Factory  azərbaycanlı iş adamı, Union Grand Energy PTE Şirkətlər Qrupunun təsisçisi Anar Əlizadənin (www.anaralizade.com) təşəbbüsü ilə 2015-ci ilin may ayında yaradılıb.

BBF-in əsas məqsədi ölkənin iqtisadi və sosial inkişafına müsbət təsir edəcək ağıllı biznes ideyası olan gənclərə layihələrinin ilkin mərhələsində dəstək göstərməklə bu layihələrin daha sürətlə reallaşmasına və dayanıqlı olmasına şərait yaratmaqdır.

Məltəm Talıbzadə


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə