BBF startapları hansı şərtlərlə qəbul edir?

05-10-2015 / 16:17

Məlumat verdiyimiz kimi,  Baku Business Factory (BBF)  inkubasiya mərkəzinə startap layihələrinin qəbulu davam edir.

Xeberler.az  olaraq maraqlandıq ki, inkubasiya mərkəzə hansı  növ layihələrin müraciətlərini qəbul edir və mərkəzdə fəaliyyət göstərə bilmək üçün layihələrdən hansı texniki şərtlər tələb edilir?

Hansı biznes növləri müraciət edə bilər:

  • Ticarət: topdan və pərakəndə satış, e-ticarət
  • Xidmət: agentlik, konsultasiya, dizayn, tərcümə, təlim və kurslar, araşdırma və s.
  • İstehsal: toxuculuq, əl işləri, gündəlik istifadə malları, qida məhsulları və s.
  • Texnoloji: internet səhifəsi hazırlanılması, tətbiqlər, robot istehsalı və s.
  • Kənd təsərrüfatı: əkinçilik, heyvandarlıq, kənd təsərrüfatı məhsullarının satışı və s.
  • Qısa müddətli qazanc gətirəcək layihələr: sərgilər, aksiyalar, kampaniyalar, konsertlər və s.

Seçimdə əsas nəzər yetirilən amillər:

  • Yaradıcı biznes ideyaları 
  • İnsanların ehtiyaclarının qarşılanması üçün sadə həll yolları
  • Gəlir gətirmə özəlliyi 

Mərkəzə müraciət üçün necə qeydiyyatdan keçmək olar?

  • Anket doldurulur.
  • Anketə bizim tərəfimizdən baxıldıqdan sonra görüş təyin edilir.
  • Biznes plan hazırlanılır.
  • İkinci görüş
  • Qərar verilir və şərtlər razılaşdırılır.
  • Müqavilə bağlanılır.

Anketdə yalnız hazırda layihənin üzvü olan şəxsləri qeyd etməyiniz kifayətdir. BBF xəbardarlıq edir ki, layihəniz haqqında geniş məlumat verməyə çalışın, çünki layihələr münsiflər heyəti tərəfindən dəyərləndirir. Əgər layihəniz onlar tərəfindən uğurlu hesab edilərsə sizinlə əlaqə saxlayıb ofisimizə dəvət edəcəyik. Bütün sizi maraqlandıran sualları; mentor və dəstəklə əlaqədar mövzuları müsahibədə ətraflı müzakirə edə biləcəksiniz.

Mərkəzə seçilmiş layihələr ofis, mentor və maddi dəstək alacaq və davamlı olaraq müxtəlif təlimlərdə iştirak edəcəklər.

BBF-in startaplarla bağlı layihəsi də gəncləri həm biznes vərdişləri, həm də maddi-texniki baxımdan dəstəkləyəcək.

 

Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə