Bələdiyyə xidmətləri elektronlaşır

02-09-2015 / 14:45

“E-manat sistemində ilk olaraq Nəsimi bələdiyyəsinin ödənişini həyata keçirmək mümkün olacaq”.

Xeberler.az-ın məlumatına görə, bunu Nəsimi bələdiyyəsinin sədri Nazim Qaraxanov bu gün “Əmlak vergisi: yeniliklər və problemlərin həlli yollari”  mövzusunda keçirilən seminarda səsləndirib.

Nazim Qaraxanov əmlak vergisinin yığımında bələdiyyənin  qarşılaşdığı problemlərə toxunaraq, bu məqsədlə bələdiyyə tərəfindən yeni layihələrin həyata keçirildiyini qeyd edib. Sədrin sözlərinə görə, ilk olaraq bələdiyyənin internet resursu təkmilləşdirilib və əmlak vergisinin ödənişini həyata keçirmək üçün onlayn ödəmə həyata keçirilib: “Bu gün artıq bələdiyyəmiz nəğdsiz ödəmədə ilk olaraq onlayn ödəməyə keçidi reallaşdırıb. Bundan əlavə E-manat sistemində ilk olaraq Nəsimi bələdiyyəsinin ödənişini həyata keçirmək mümkün olacaq”, deyə o bildirib.

Nazim Qaraxanov onu da əlavə edib ki, bütün bunlar bələdiyyənin daxili imkanları hesabına mümkün olub.

 

Ruhəngiz Muradova

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.