Bir dəqiqə ərzində yaraları sağaldan elastik yapışqan

04-04-2018 / 15:28

Tikişlərə ehtiyac olmadan yaraları sağaldan, yüksək elastikliyə malik MeTro cərrahi yapışqanı ixtira edilib. Onun tərkibindəki zülallar ultrabənövşəyi işıqla qarşılıqlı təsir zamanı elastik və möhkəm materiala çevrilirlər.

Xeberler.az xarici mediaya istinadən məlumat verir ki, yapışqanı yaraya vurduqdan sonra MeTro onu bir dəqiqə ərzində tamamilə bağlayır. Bundan sonra maddə tədricən həll olur və parçalanmış toxumaları bərpa edir.

Alimlər qeyd edirlər ki, yapışqan gələcəkdə tikişlərdən və ya uzun müddət cərrahi əməliyyatlarda istifadə edilən metal stentlərdən qurtulmağa kömək edəcək. Bundan başqa, o, fövqəladə hallarda (məsələn, avtomobil qəzaları zamanı) zəruri ola bilər.

MeTro-nun yüksək elastikliyi onu daim genişlənən və zəifləyən bədən toxumalarındakı yaraların bağlanması üçün ideal edir. Yapışqanı yarada həll olması üçün müəyyən müddətə proqramlaşdırmaq mümkündür ki, bu da orqanizmə yaranı sağaltmaq üçün vaxt verir. MeTro bir neçə saat və ya ay ərzində həll ola bilər. Yapışqan laboratoriya donuzlarının yaralı ağciyəri və digər daxili orqanlarında uğurla sınaqdan keçirilib.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə