Britaniyada internetə aid qərar qəbul edilib

10-11-2015 / 14:41

Böyük Britaniya hökuməti 2020-ci ilədək bütün ölkə sakinlərinin genişzolaqlı internetdən istifadəsini nəzərdə tutan qərar qəbul edib.

Xeberler.az xarici mətbuata istinadən bildirir ki, qərara görə, beş ildən sonra ölkənin bütün provayderləri müraciət əsasında Birləşmiş Krallıq sakinini 10 Mbit/saniyə sürətində internet bağlantısı ilə təmin edəcək. Qanunla həmçinin ölkənin ucqar yerlərində yaşayan sakinlərin eyni sürətli internetlə təmini nəzərdə tutulur. Hökumət nümayəndələri əmindirlər ki, genişzolaqlı internetdən istifadə bütün evlərdə qaz, işıq və su kimi adi hala çevrilməlidir.

“İnternetə çıxış təmtəraq yox, vətəndaş hüquqlarından biri olmalıdır. Biz bütün ölkəni onlayn rejimə çıxararaq ölkə iqtisadiyyatını Avropada ən çiçəklənən iqtisadiyyat edəcəyik”, - Böyük Britaniya baş naziri Devid Kemeron bildirib.

2017-ci ilin sonunadək britaniyalıların 95 faizinin genişzolaqlı internetdən istifadə etməsi planlaşdırılır.

 

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.