BTİ 5G mobil rabitəsinin inkişafı üçün konsepsiyanı müəyyənləşdirir

20-06-2015 / 11:50

Beynəlxalq Telekommunikasiya İttifaqı (BTİ) 5G mobil rabitəsinin inkişafı üçün IMT-2020  adlı ümumi “yol xəritəsi” hazırlayıb.

Xeberler.az RYTN-nin rəsmi saytına istinadən məlumat verir ki, BTİ-nin işçi qrupu Kaliforniyada keçirilən iclasda 5G  sistemləri konsepsiyası üzərində işi başa vuraraq 5G  mobil rabitəsi sistemlərinin ümumi məqsədlərini, hazırlanma prosesi və qrafikini müəyyən edib. Proses BTİ çərçivəsində hökumət və qlobal mobil rabitə sahəsi ilə sıx əməkdaşlıqda gedir.

IMT-2020 termininin BTİ-nin oktyabrda keçiriləcək radiorabitə assambleyasında rəsmən təsdiq ediləcəyi gözlənilir.

“Sahədə 5G mobil rabitə texnologiyalarının gələcək mərhələləri ilə bağlı geniş müzakirələr aparılır və indi diqqət 2020-ci ilədək və ondan sonrakı dövrdə insanları əşyalar, məlumatlar, əlavələr, nəqliyyat sistemləri və şəhərlər ilə birlikdə “ağıllı” birləşdirilmiş rabitə mühitində bir araya gətirən məhdud bağlantılı cəmiyyətin yaradılmasına yetirilir. BTİ “IMT-2020” konsepsiyasını həyata keçirmək üçün dünya mobil rabitə sahəsi və hökumət təşkilatları ilə tərəfdaşlıqda işi davam etdirəcək”, - BTİ baş katibi Houlin Çjao bildirib.

 Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.