Azərbaycan Poçt və Telekommunikasiya Administrasiyalarının Avropa Konfransının Beynəlxalq Telekommunikasiya İttifaqı ilə əlaqələr komitəsinin iclasında iştirak edəcək

21-09-2010 / 08:37

Bu ilin sentyabrın 21-23-də Vilnüsdə (Litva) CEPT (Conference of European Post and Telecommunications - Poçt və Telekommunikasiya Administrasiyalarının Avropa Konfransı) təşkilatının Beynəlxalq Telekommunikasiya İttifaqı (BTİ) ilə əlaqələr komitəsinin iclası keçiriləcək.

Azərbaycan Rabitə və İnformasiya Texnologiyaları Nazirliyindən verilən məlumata görə, tədbirdə Azərbaycanı nazirliyin Dövlət müəssisələrinin fəaliyyətinin əlaqələndirilməsi şöbəsinin müdiri Mir-Heydər İsmayılov təmsil edəcək.

İclasın gündəliyində CEPT və BTİ arasında telekommunikasiya üzrə əməkdaşlıq, BTİ-nin növbəti toplantısında Şuraya seçkilər, Avropa İttifaqı ilə əməkdaşlıq və s. məsələlər müzakirə olunacaq. Tədbir zamanı işçi qruplarının hesabatları dinlənildikdən sonra müvafiq qərar layihələri hazırlanacaq.

Qeyd edək ki, Azərbaycan Rabitə Administrasiyası CEPT təşkilatına 2001-ci ilin yanvar ayında üzvlüyə qəbul edilmişdir. Lakin bu təşkilatla sıx əməkdaşlıq əlaqələri yalnız son illərdə sürətlə inkişaf etməyə başlayıb.

Mənbə: APA


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.