Cenevrədə Ümumdünya Radiorabitə konfransı öz işini davam etdirir

03-11-2015 / 10:55

Ötən gün  Cenevrədə start götürən Ümumdünya Radiorabitə konfransı öz işini davam etdirir.

Xeberler.az bildirir ki, konfransın məqsədi radiorabitənin mövcud normativ bazasını - radiorabitə reqlamentini təhlil etmək və zərurət olduğu halda bu sənədi yeniləməkdir.

Bu konfrans informasiya və kommunikasiya texnologiyalarının (İKT) sürətli inkişafı nəzərə alınaraq, radiotezlik spektri və peyk orbitləri üzərində qlobal idarəetmənin təmini zərurəti ilə keçirilir ki, insanlar gündəlik həyatda yüksəkkeyfiyyətli radiorabitədən istifadə və təhlükəsiz səyahət etmək imkanına malik olsunlar.
 
"Ümumdünya Radiorabitə konfransı radiorabitə sahəsinin tənzimlənməsi üzrə yeni və daha səmərəli üsullar müəyyənləşdirəcək" - Beynəlxalq Telekommunikasiya İttifaqının (BTİ) Baş katibi Koulin Çjao bildirib.
 
Konfransda 160-dan çox dövlətin nümayəndələri iştirak edir.
 
BTİ 1865-ci ildə təsis edilib. Cari ildə 150 illiyini qeyd edir. 1865-ci ildə Parisdə ilk Beynəlxalq teleqraf konvensiyası imzalanıb və BTİ-nin yaradılması ilə bağlı qərar qəbul olunub. 1947-ci ildən BTİ BMT sisteminin ixtisaslaşdırılmış qurumudur.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.