BTRİB rəsmi saytını yeniləyir

27-09-2016 / 12:10

Rabitə və Yüksək Texnologiyalar Nazirliyinin tərkibində fəaliyyət göstərən Bakı Telefon Rabitə İstehsalat Birliyinin (BTRİB) rəsmi saytı- btrib.az yenilənir.

Hazırda sayt fəaliyyət göstərmir. Sayta daxil olanda qeyd edilir ki, saytda yeniləmə işləri aparılır.

Qurumdan məsələ ilə bağlı Xeberler.az-a  bildirilib ki, qısa zamanda BTRİB rəsmi saytındakı yenilikləri ictimaiyyətə təqdim edəcək.

Qeyd edək ki, RYTN-in tabeliyində ən böyük telekommunikasiya qurumlarından olan Bakı Telefon Rabitəsi İstehsalat Birliyi Bakı şəhəri ərazisində dövlət hakimiyyət və idarəetmə orqanlarına, idarə, müəssisə və təşkilatlara, xarici hüquqi şəxslərə, onların nümayəndəliklərinə və əhaliyə bütün növ telefon, genişzolaqlı internet, radiorabitəsi, digər müasir telekommunikasiya və multiservis xidmətləri göstərir.

BTRİB-in strukturuna 7 Avtomat Telefon qovşağı, Bakı Kabel Qovşağı, Bakİnternet və AzEvroTel dövlət provayderləri və digər rabitə qurumları daxildir.

 

 Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.