BTRİB-in yeni Baş direktoru məlum oldu

27-01-2016 / 12:06

Bakı Telefon Rabitəsi İstehsalat Birliyinin yeni Baş direktoru məlum oldu.

Xeberler.az-ın məlumatına görə, Rabitə  və yüksək texnologiyalar naziri Ramin Quluzadənin əmri ilə  Rövşən Əliyev Bakı Telefon Rabitəsi İstehsalat Birliyinin (BTRİB) Baş direktorunun səlahiyyətlərini icra edəcək.

Qeyd edək ki, Rövşən Əliyevin artıq bir neçə gündür ki, Baş direktor olaraq fəaliyyətə başladığı bildirilir.

Xatırladaq ki, bir müddət əvvvəl  “MTN işi” ilə bağlı Birliyin Baş direktoru Beytulla Hüseynov vəzifəsindən azad edilərək həbs edilib. 

Xeberler.az -ın bir müddət öncə məlumat verdiyi kimi, ötən ilin sonlarında, əvvəllər AzTelekomda çalışan Razi Tağıyev Bakı Telefon Rabitəsi İstehsalat Birliyinə yeni texniki  direktor vəzifəsinə təyin edilmişdi. Bu günə qədər bu qurumun Baş direktorunun səlahiyyətlərini Razi Tağıyev icra edirdi.

Xeberler.az olaraq BTRİB-in yeni direktoru Rövşən Əliyev ilə bağlı daha geniş məlumat əldə etməyə çalışsaq da, hələlik mümkün olmayıb.

Qeyd edək ki, Rövşən Əliyevin təyinatı ilə bağlı rəsmi açıqlama yayılmayıb və nazirliyin rəsmi internet resurslarında bu haqda məlumat verilməyib.

 BTRİB-in direktor müavini Xankişi Xankişiyevdir.

Xeberler.az bildirir ki, RYTN-nin  tabeliyində ən böyük telekommunikasiya qurumlarından olan Bakı Telefon Rabitəsi İstehsalat Birliyi Bakı şəhəri ərazisində dövlət hakimiyyət və idarəetmə orqanlarına, idarə, müəssisə və təşkilatlara, xarici hüquqi şəxslərə, onların nümayəndəliklərinə və əhaliyə bütün növ telefon, genişzolaqlı internet, radiorabitəsi, digər müasir  telekommunikasiya və multiservis xidmətləri göstərir.

BTRİB-in strukturuna 7  Avtomat Telefon qovşağı, Bakı Kabel Qovşağı, Bakİnternet  və AzEvroTel  dövlət provaydreləri və digər rabitə qurumları daxildir.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.