QANUNVERİCİLİK

Mediada sabiq milli təhlükəsizlik naziri Eldar Mahmudovun indiyə qədər medianın diqqətindən kənar qalan biznesi, vəzifədə olan yaxın qohumları ilə bağlı məsələlər  müzakirə olunur.

Məlumatlara  görə,  Eldar Mahmudov milli təhlükəsizlik naziri təyin olunandan sonra öz qohumu Beytulla Hüseynovu Bakı Telefon Rabitəsi İstehsalat Birliyində rəhbər vəzifəyə gətizdirib.

Həmin vaxtdan bəri o, burada sədr işləyir.

Hazırda BTRİB şəbəkəsi NGN tipli müasir texnologiyalı ATS-lərlə təchiz olunub.  BTRİB Bakı şəhəri ərazisində dövlət, hakimiyyət və idarəetmə orqanlarına, idarə, müəssisə və təşkilatlara, xarici və hüquqi şəxslərə, onların nümayəndəliklərinə və əhaliyə fasiləsiz, yüksək keyfiyyətli bütün növ telefon, videotelefon, internet, DATA, NGN xidmətləri, İP-TV, yüksək keyfiyyətli multimediya, CDMA və radio səsgücləndirici xidmətləri göstərir.

Mediada yayımlanan məlumatlara görə, Eldar Mahmudov da telefonların rahat şəkildə dinlənilməsi üçün öz yaxın qohumunun yardımından istifadə edib.

Məlumata görə, artıq hüquq-mühafizə orqanlarının əməkdaşları BTRİB-i nəzarətə götürüblər. Həmin idarədə yoxlamaların başlandığı və Beytulla Hüseynovun saxlanıldığı və  yaxın zamanlarda vəzifəsindən azad olunacağı gözlənilir.

Xeberler.az mediada yayımlanan xəbərlərlə bağlı BTRİB-lə əlaqə saxlayıb.

Qurumdan məsələyə münasibət bilidirərkən hazırda hər şeyin qaydasında olduğu və  həmişəki kimi iş rejimində çalışdıqlarını bildiriblər.

Məltəm Talıbzadə