Bu il Azərbaycandakı məktəb müəllimlərinin 38%-i İKT üzrə təlimlərdən keçəcək

25-11-2010 / 11:56

Bu ilin sonunadək Azərbaycanın ümumtəhsil müəssisələrinin müəllimlərinin 38%-i İKT üzrə təlimlərdən keçəcək.

Bunu Azərbaycanın təhsil naziri Misir Mərdanov bildirib. Nazirin sözlərinə görə, hazırda ölkədəki ümumtəhsil müəssisələrində 160 min müəllim çalışır ki, 2010-cu ilin sonunadək onların 38%-i sözügedən təlimlərdən keçəcək, bu da 64 mindən artıq müəllimin İKT sahəsində bacarıqlara yiyələnməsi deməkdir: «Gələcəkdə isə biz bu rəqəmi 114 minə çatdırmaq niyyətindəyik ki, nəticədə müəllimlərin 67%-i təlimlərdən keçəcək».

M.Mərdanov ona da qeyd edib ki, artıq 2 il Azərbaycanda davam edən və hazırda icra olunan «Xalq kompyuteri» layihəsindən 9 mindən artıq müəllim yararlanaraq kompyuterə sahib olub. «Bizim məqsədimiz yaxın gələcəkdə hər bir şagirdi bir ədəd kompyuterlə təmin etməkdir», - deyə M.Mərdanov bildirib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.