E - HÖKUMƏT

Buraxılış imtahanlarının və yekun qiymətləndirmənin nəticələri onlayn rejimində elektron imza ilə imzalanmış şəkildə təhsil müəssisələrinə təqdim ediləcək.

Xeberler.az-ın məluamtına görə, bundan sonra isə dövlət nümunəli təhsil sənədlərinin məzunlara verilməsi prosesi başlayacaq.

Müvafiq prosedur ümumtəhsil məktəbləri üçün  iyulun 10-dan  sentyabrın  1-dək yerinə yetiriləcək.

Peşə liseyləri üçün isə 10 apreldən başlayan bu prosesin sentyabrın 1-də başa çatdırılması nəzərdə tutulur.

Tələbə Qəbulu üzrə Dövlət Komissiyasından bildirilib ki, “Təqvim planı”na əsasən, hər bir məzuna verilmiş dövlət nümunəli təhsil sənədinin seriyasının, nömrəsinin, verilmə tarixinin, şagirdin təhsil müəssisəsini medalla bitirməsi haqqında məlumatın “Şagird-məzun” sistemində qeyd edilməsi üçün ümumtəhsil məktəbləri üzrə iyulun 10-dan sentyabrın 10-na, 10 peşə liseyləri üzrə isə aprelin 10-dan sentyabrın 10-na qədər  müəyyənləşdirilib.

 Ümumtəhsil məktəblərinin əlaqələndiriciləri şagirdlər haqqında “Şagird-məzun” sisteminə daxil edilmiş hər hansı bir məlumatda dəyişiklik baş verdikdə bu dəyişikliyin sistemdə dərhal  nəzərə alınması prosesini iyulun 15-nə qədər apara biləcəklər.

Məltəm Talıbzadə