İsveçrənin Cenevrə şəhərində "Ümumdünya Radiorabitə Konfransı"na (ÜRK) hazırlıqlar çərçivəsində görüş təşkil olunub.
Xeberler.az bildirir ki, görüşün əsas məqsədi hazırlıq prosesinin nəzərdən keçirilməsi, hesabatların hazırlanması, təşkilati məsələlərin həllidir.
Konfransa hazırlıq prosesi zamanı radiorabitə reqlamenti, radiotezlik spektri, geostasionar və qeyri-geostasionar peyk xidmətlərindən, həmçinin orbitlərdən istifadə üzrə beynəlxalq sazişlər barədə təkliflərin irəli sürülməsi nəzərdən keçiriləcək.
Görüşdə ölkəmizi Nəqliyyat, Rabitə və Yüksək Texnologiyalar Nazirliyinin, eləcə də nazirliyin Dövlət Radiotezliklər İdarəsinin nümayəndələri təmsil edirlər. Azərbaycan nümayəndə heyəti konfransa hazırlıq görüşü çərçivəsində bir sıra beynəlxalq təşkilatların nümayəndələri ilə bilik və təcrübə mübadiləsi aparıblar.
Regional Rabitə Birliyi (RRB), Poçt və Telekommunikasiya Administrasiyalarının Avropa Konfransı (CEPT) toplantılarda fəal iştirakı ilə seçiliblər.
Qeyd edək ki, Beynəlxalq Telekommunikasiya İttifaqı tərəfindən təşkil ediləcək "Ümumdunya Radiorabitə Konfransı-2019" cari ilin 28 oktyabr - 22 noyabr tarixlərində Misirin Şarm-əş-Şeyx şəhərində keçiriləcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları