"OpenAI" "ChatGPT"yə dördrəqəmli PIN-kodla giriş məhdudlaşdırıla bilən qorunan çat funksiyasını tədricən tətbiq etməyə başlayıb.
Xeberler.az bildirir ki, bu barədə tərtibatçı şirkət məlumat yayıb.
Belə yazışmalar adi tarixdən, bərkidilmiş çatların siyahısından və ümumi axtarışdan gizlədilir. Onlar giriş üçün hesabın PIN-kodunu tələb edən "Projects > Locked chats" bölməsində saxlanılır. Dəstəklənən mobil qurğularda onun əvəzinə "Face ID", "Touch ID" və ya qurğunun özünün kilidini açmaq funksiyasından da istifadə etmək olar.
Funksiya "Free", "Go", "Plus", "Pro", "Business", "Enterprise" və "Edu" tarif planlarından istifadə edənlər üçün tədricən tətbiq olunur.
"OpenAI" vurğulayıb ki, çatın bloklanması ucdan-uca şifrələməni təmin etmir və ayrıca şifrələnmiş anbar yaratmır. O həmçinin yazışmaların saxlanma müddətini və onun süni intellekt modellərinin təkmilləşdirilməsi üçün istifadə olunub-olunmayacağını müəyyən edən tənzimləməni də dəyişmir.
Əgər istifadəçi PIN-kodu unutsa və onu sıfırlamaq qərarına gəlsə, bütün qorunan çatlar, yalnız bu yazışmalardan yadda saxlanılan məlumatlar, eləcə də onlar tərəfindən qorunan fayllar bərpaolunmaz şəkildə silinəcək. Onları "OpenAI"nin dəstək xidməti vasitəsilə bərpa etmək mümkün deyil.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları