Çin yarımkeçiricilər biznesinə milyardlarla investisiya yatırır

17-11-2015 / 10:44

Çinin Tsinghua Unigroup şirkəti yaxın beş ildə yarımkeçiricilər biznesinin inkişafına 300 milyard yuan (47 milyard dollar) investisiya yatırmaq niyyətindədir.

Xeberler.az-ın xarici mətbuata istinadən məlumatına görə, Tsinghua Holdings dövlət İT holdinqi bölməsinin məqsədi bu illər ərzində dünyanın üçüncü iri yarımkeçirici istehsalçısını yaratmaqdır. Hazırda yarımkeçiricilərin satışından mədaxiləyə görə liderlər üçlüyünə Intel, Samsung və Qualcomm şirkətləri daxildir.

Böyük investisiya planlarını Tsinghua Unigroup Direktorlar Şurasının sədri Çjao Veyqo müsahibədə açıqlayıb.

Bir müddət əvvəl Tsinghua Unigroup-un ABŞ-ın Micron şirkətini satın almaq istəyi ilə bağlı informasiya yayılıb. 2013-cü ilin sonunda Tsinghua Unigroup Spreadtrum və RDA Microelectronics prosessor şirkətlərini satın alıb.

Tsinghua Unigroup Çin hökumətinin yüksək texnologiyalı aktivlərə vəsait yatıran Tsinghua Holdings dövlət İT holdinqinin törəmə şirkətlərindən biridir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.