Yarımkeçirici sahəsinə kapital qoyuluşu azalacaq

15-10-2015 / 10:46

Gartner analitik şirkəti 2015-ci il üçün dünya yarımkeçiricilər sahəsinə kapital qoyuluşlarının həcmi üzrə proqnozu azaldıb.

Xeberler.az xarici mətbuata istinadən bildirir ki, bu il yarımkeçirici istehsalçılarının istehsalın inkişafına 63,9 milyard dollar xərcləyəcəyi gözlənilir ki, bu da ötən ilin 64,6 milyard dollarlıq göstəricisindən 1 faiz aşağıdır.

Lakin 2015-ci ilə nisbətdə yaddaş mikrosxemləri istehsalına xərclərin azaldılmasına görə 2016-cı il üçün kapital qoyuluşlarının 3,3 faiz azaldılmasını nəzərdə tutan proqnoz isə qüvvəsində qalıb.

DRAM yaddaş bazarının artan zəifliyini nəzərə alan analitiklər 2015-ci il üçün DRAM sektorunda kapital qoyuluşları üzrə proqnozu xeyli azaldıblar. Proqnoza görə, istehsalın inkişafına xərclər burada 0,2 faiz artacaq, halbuki əvvəllər 29 faiz artım gözlənilib.

Mütəxəssislərin fikrincə, DRAM istehsalçıları yeni istehsalın deyil, mövcud istehsalın işinin dəstəklənməsinə və avadanlığın modernləşdirilməsinə böyük diqqət yetirməyə başlayacaqlar.

NAND sektoru ilə bağlı analitiklərin proqnozu, əksinə, yaxşılaşıb. Bu il bu sahədə kapital qoyuluşları 0,1 faiz artacaq, halbuki Gartner-in əvvəlki qiymətləndirməsi 19,4 faizlik azalmanı nəzərdə tutub.

Analitiklərin qənaətinə görə, 2015-ci ilin sonunda 2016-cı ilin əvvəlində yarımkeçirici istehsalçıları investisiyaları bölüşdürəcək və DRAM istehsalının inkişafı üçün nəzərdə tutulan vəsaitlərin 10 faizini NAND sektoruna yönəldəcək.

Qeyd edək ki, ötən həftə Gartner növbəti dəfə dünya yarımkeçiricilər bazarı üzrə proqnoza yenindən baxaraq onu azaldıb. Hazırda burada mədaxilin 2014-cü illə müqayisədə 0,8 faiz azalaraq 337,8 milyard dollar səviyyəsində olacağı gözlənilir.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.