DNT təkmilləşdiriləcək
25-06-2011
08:56
Rəqəmsal inkişaf üzrə Avropa komisarı Nili Kroes veb kompaniyalara istifadəçinin icazəsi olmadan internetdə fəaliyyətinin izlənməsinin qarşısının alınması üçün standarların 2012-ci ilə qədər qəbul olunması ilə əlaqədar müraciət edib. Əks halda qurum özü bu sahədə müvafiq addımlar atacağını açıqlayıb.
Artıq belə standartların ilkin versiyaları mövcuddur. DNT (do-not-track) belə standartlar arasında ən geniş yayılanıdır. Avropanın böyük reklam şirkətləri bu standartdan istifadəni və istifadəçiyə istədiyi reklamı söndürmək imkanının təmin olunmasını təklif edirlər.
Avropa Birliyinin təqdimatına əsasən istifadəçinin koputerinə cookie vasitəsilə hər hansı bir məlumat yazılır və ya ondan istifadə olunursa bu haqda istifadəçiyə məlumat verilməli və yalnız onun icazəsi ilə əməliyyat aparılmalıdır.
Bəzi brauzer və sosial şəbəkələr xüsusi əlavələr vasitəsilə istifadəçi fəaliyyətini izləyir. Bu isə istifadəçi məlumatlarının sızmasına səbəb ola bilər. "Avropa birliyini də narahat edən əsas məslə budur..." Nili Kroes vurğulayıb.
