Dövlət Məşğulluq Agentliyinin rəqəmsal layihələri təqdim edildi

30-04-2022 / 10:25

Estoniya Respublikasının paytaxtı Tallin şəhərində Ümumdünya Məşğulluq Xidmətləri Assosiasiyası – WAPES tərəfindən keçirilən Dünya Konqresində Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin rəqəmsal layihələri təqdim edilib.

 

Xeberler.az bildirir ki, konqresdə ölkəmizi təmsil edən Dövlət Məşğulluq Agentliyinin nümayəndə heyəti tədbirdə təqdimatla çıxış edib.

 

“Texnoloji innovasiyalar və xidmətlərin göstərilməsi zamanı süni intellektdən istifadə sahəsində məşğulluq xidmətlərinin təcrübəsi” mövzusu üzrə edilən təqdimatda Agentlik tərəfindən rəqəmsal məşğulluğa keçid istiqamətdə icra olunan layihələr barədə ətraflı məlumat verilib.

 

“Əmək münasibətləri və məşğulluq altsistemi”, “Məşğul şəxslərin reyestri”, “Qeyri-formal məşğulluğa nəzarət” vahid elektron informasiya ehtiyatı və digər sistemlərin əhəmiyyətindən danışılıb.

 

Ümumilikdə 65 ölkədən nümayəndənin iştirak etdiyi tədbirdə Dövlət Məşğulluq Agentliyinin İdarə heyətinin sədri Mustafa Abbasbəyli Rumıniya, Litva və müxtəlif ölkələrin məşğulluq xidmətlərinin rəhbərləri ilə görüşüb və qarşılıqlı əməkdaşlıq perspektivləri müzakirə edilib.

 

Dünya Konqresi  başa çatıb.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə