Dövlət qurumları niyə açıq məlumatlarını portala yerləşdirmir?

27-11-2015 / 13:33

Məlumat verdiyimiz kimi,  ilin  əvvəlində vətəndaşların istifadəsinə verilmiş data.gov.az - “Açıq Hökumət Məlumatları” portalı istifadəyə verildi.

Açıq məlumatlar Açıq Hökümət təşəbbüsünün bir hissəsi kimi Elektron Hökümətin ayrıca bir elementidir.

Data.gov.az portalı vasitəsi ilə cəmiyyət dövlət orqanları tərəfindən yaradılan məlumatlar toplusunu asanlıqla tapa, yükləyə və istifadə edə bilər. Portal dövlət orqanlarının məlumatlar toplusunun təsvirini, o cümlədən məlumatlar toplusuna və əlavə vasitələrə giriş tapmaq üçün informasiyanı özündə əks etdirir.

Hazırda Açıq Hökumət Məlumatları portalında 25 məlumat bazası açıq elan edilib.

Lakin müşahidələr göstərir ki, portala yerləşdirilən məlumatların sayı yetərincə deyil. Yəni, dövlət qurumları bu bazaya məlumatlarını  çox ləng yerləşdirirlər.

Xeberler.az məsələ ilə maraqlanıb ki, niyə qurumlar açıq məlumatlarını bazaya yerləşdirmir?

“ Elektron hökumət “ portalının operatoru  Məlumat Hesablama Mərkəzindən (MHM)  məsələ ilə bağlı  bildirilib ki,  data.gov.az –da  şirkət və istifadəçilərə xüsusi proqram modulları verilməklə dövlət qurumlarında olan məlumatlara sərbəst şəkildə müraciəti təmin etmək üçün proqramların işlənməsinə şərait yaradılıb.

Qurumların məlumatlarını  bazaya yükləməkdə passiv olmasına  gəlincə isə potaldan bildirilib ki,  bunun bir çox səbəblərdən ola bilər:

 -Qurumların əlindəki məlumat yetərsiz olduğu üçün açıq şəkildə istifadəsi portalı qane etmir.

-Quruma göndərilən məlumatlar qeyri dəqiq olduğu üçün məlumatların yerləşdirilməsinə icazə verilmir və bu, sonradan portalın imicinə zərər gətirə bilər.

 - Və yaxud da həmin qurumda ümumiyyətlə vaxtaşırı yenilənən məlumat bazası yoxdur.

Qeyd edilib ki, sistemə daxil olmaqda heç bir problem yoxdur:

“Bizim qurumlara rəsmi məktublar göndərmişik ki açıq məlumatları yerləşdirə bilərlər,  yəni data.gov.az açıq yerləşdirilən servisə birbaşa cavabdehdir. Məlumatlar servisə ötürülür və məlumatların yararlılığını araşdırıb bazaya yerləşdiririk. Bütün bunlar məlumatını yerləşdirdiyimiz dövlət qurumunun icazəsi və istəyi ilə rəsmi qaydada həyata keçirilir”.

Qurumdan o da bildirilib ki, Açıq hökumət məlumatları ölkəmizdə dünya təcrübəsinə uyğun tətbiq edilir və gələcəkdə açıq edilən məlumatlar əsasında yeni iş potensialı, yeni xidmətlər yaranacaq.

Data.gov.az portalının yaradılmasında əsas məqsəd məlumatların istifadəsi və onların əsasında əlavələrin yaradılması vasitəsilə cəmiyyətə dövlətin idarə edilməsində iştirak etmək imkanının yaradılması, hərtərəfli təhlil və tədqiqatların aparılmasıdır. 

Sevinc Çəltikova

 

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.