E - HÖKUMƏT

Rəqəmsal İnkişaf və Nəqliyyat Nazirliyi yanında Dövlət Radiotezliklər İdarəsi (DRİ) 2022-ci ili 7,772 milyon manat xalis mənfəətlə başa vurub.

Xeberler.az idarənin maliyyə hesabatına istinadən xəbər verir ki, bu, 2021-ci illə müqayisədə 81 % çoxdur.

Ötən il DRİ-nin xidmətinin satışından gəlirləri 17,709 milyon manat (əvvəlki ilə nisbətən 14,4 % çox), xidmətinin maya dəyəri 4,002 milyon manat (13,2 % az), ictimai tədbirlərin təşkil edilməsindən gəlirləri 4,45 milyon manat (əvvəlki il olmayıb), bu tədbirlərin maya dəyəri 4,45 milyon manat (əvvəlki il olmayıb), dəyərsizləşmə üzrə ehtiyat ayırmaları 7 min manat (68,7 dəfə az), inzibati və digər əməliyyat xərcləri 4,278 milyon manat (6,8 % az), məzənnə fərqindən gəlirləri 11 min manat (əvvəlki il zərər olub), mənfəət vergisi ödəmələri isə 1,662 milyon manat (10,1 % çox) təşkil edib.

Bu il yanvarın 1-nə Dövlət Radiotezliklər İdarəsinin aktivləri 11,02 milyon manat olub ki, bu da illik müqayisədə 20,3 % azdır. Hesabat dövründə qurumun öhdəlikləri 4,3 dəfə artaraq 5,15 milyon manata çatıb, balans kapitalı isə 2,2 dəfə azalaraq 5,87 milyon manata düşüb.

Xatırladaq ki, Dövlət Radiotezliklər İdarəsi 1998-ci ildə yaradılıb. Onun nizamnamə kapitalı 16,02 milyon manatdır. İdarə ölkədə mülki məqsədlər üçün radiotezlik idarəçiliyini həyata keçirən dövlət təşkilatıdır.