Dövlət İdarəsi villa qiymətinə dizayn və montaj sifariş verib

09-12-2019 / 12:20

Dövlət Radiotezliklər İdarəsi "Sərgi avdanlıq və qurğularının dizayn, montaj və demontaj işləri"ni satın alıb. Ehtimal ki, satınalma “Bakutel 2019” sərgisində iştirak ilə bağlıdır. 

Xeberler.az  Marja.az-a istinadən bildirir ki, Dövlət Radiotezliklər İdarəsi satınalma müqaviləsini "Elcom" MMC ilə bağlayıb. Müqavilənin məbləği 600 min manatdır.

Dövlət Radiotezliklər İdarəsinin sərgi üçün bahalı dizayn, montaj və demontaj işləri sifariş etməsi diqqəti cəlb edir. 600 min manata "Nərimanov" metrosu yaxınlığında geniş 2 mənzil, Bakıya yaxın ərazidə isə yaxşı bir villa almaq olar.  

Qeyd edək ki, hazırda davam edən “Bakutel 2019” sərgisində Nəqliyyat, Rabitə və Yüksək Texnologiyalar Nazirliyinin 9 qurumu müxtəlif yenilikləri özündə əks etdirən stendlərdə xidmətlər və layihələrini nümayiş etdirir. Həmin qurumlardan biri də Dövlət Radiotezliklər İdarəsidir.

Bu il Dövlət Radiotezliklər İdarəsi  "Elcom" MMC ilə ümumi məbləği 829 min manat olan 6 müqavilə bağlayıb. Ən böyükməbləğli müqavilə "Sərgi avdanlıq və qurğularının dizayn, montaj və demontaj işləri"ni nəzərdə tutur.

Rabitə və Yüksək Texnologiyalar Nazirliyinə məxsus Dövlət Radiotezliklər İdarəsi 2018-ci ili 4 milyon 684 milyon manat mənfəət ilə başa vurub. Ötən il İdarənin gəlirləri 12 milyon 672 min manat, xərcləri isə 7 milyon 988 min manat təşkil edib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.