Dünya nəhənglərindən olan "Oracle" şirkəti də Ukraynaya qarşı aparılan müharibə ilə bağlı Rusiya bazarından çıxacağını rəsmi olaraq açıqlayıb.
Xeberler.az bildirir ki, bir müddət öncə Ukrayna Rəqəmsal Transformasiya naziri bütün dünya İT şirkətlərinə, o cümlədən məxsusi olaraq "Oracle" şirkətinə bununla bağlı müraciət etmişdi.
Qeyd edək ki, "Oracle" dünyada proqram məhsulları, data baza məhsulları, serverlər və digər İT avadanlıqlar sahəsində ən öndə gedən şirkətlərdən biridir.
Belə ki, son bir neçə ildə bu şirkət 80 milyard dollar investisiya yatıraraq bir çox texnoloji şirkətləri özünə birləşdirib.
Rusiyada isə əksər banklar, mobil operatorlar, xidmət sektoru, vergi, təhsil, səhiyyə, logistika, neft-kimya sahələri və bəzi dövlət qurumlarının data bazası bu şirkətin texnologiyaları üzərində qurulub.
Oracle texnologiyaları 28 ildir ki, Rusiyada fəaliyyət göstərir. Rusiyanın on milyonlarla vətəndaşının məlumatları bu sistem üzərində işlənir.
Qeyd edək ki, Oracle şirkətinin Rusiya bölməsi MDB məkanında mərkəz hesab olunur və dövriyyəsi yüz milyonlarla ölçülür.
