Ekoloqlar çapa çıxarılma imkanı olmayan sənəd formatı yaradıblar

14-12-2010 / 14:20

Gün ərzində dünya üzrə milyonlarla sənəd, çox vaxt buna xüsusi zərurət olmadan çapa verilir. Ofis işçilərinin, eləcə də personal kompüterlərin ev istifadəçilərinin bu cür “qeyri-ekoloji” hərəkətlərinin qarşısını almaq üçün Ümumdünya Vəhşi Təbiət Fondunda (WWF) yeni fayl formatı yaradılıb. Xeberler.az portalının Rabitə və İnformasiya nazirliyinin rəsmi internet saytına istinadən verdiyi xəbərə görə, Mahiyyətcə, geniş yayılmış .pdf formatı ilə eyni olan .wwf formatının bir, lakin böyük fərqi var.

 Belə ki, yeni formatlı faylları çapa vermək qeyri-mümkün olacaq. Bu cür addımla təbiət mühafizəçiləri kağız istifadəsinin həcmini azaltmaqla meşələri qorumağı düşünür. “Çapa buraxılmaq üçün zəruri olmayan sənədləri müəyyən edin və faylları saxlayarkən buna müvafiq formatı seçin”, - deyə Fondun bəyanatında qeyd olunur. Hələ ki, yeni format və onun dəstəklənməsi üçün proqram təminatı işlənib hazırlanma mərhələsindədir və yalnız Mac OS əməliyyat sistemində tətbiq oluna bilər. Bununla belə bildirilir ki, yaxın gələcəkdə Windows platforması üçün də müvafiq proqram təqdim olunacaq.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə