Kompüter istehsalçısı 1,5 milyard dollara kibertəhlükəsizlik şirkəti aldı
Müştərilər üçün həllər spektri genişləndiriləcək
“Hewlett-Packard” (HP) korporasiyası kibertəhlükəsizlik üçün proqram təminatı istehsalçısı olan “ArcSight” şirkətinin 1,5 milyard dollara aldığını elan edib.
xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, 2000-ci ildə təsis edilmiş ArcSight dövlət təşkilatları və şirkətlərin şəbəkə infrastrukturunda kibertəhlükələrin monitorinqi və aşkar edilməsi üçün proqram təminatının işlənib hazırlanması ilə məşğuldur.
“ArcSight”ın əldə edilməsi HP-yə korporativ müştərilər üçün təqdim olunan həllər spektrini genişləndirmək imkanı verəcək
Qeyd edək ki, HP öz biznes sahəsinə kibertəhlükəsizlik üzrə məhsulların tərtibatçısını birləşdirmək niyyətində olan yeganə şirkət deyil. Bu ilin avqust ayında aparıcı prosessor istehsalçısı “Intel” korporasiyası informasiya təhlükəsizliyinin təmin olunması üçün proqram həlləri sahəsinin liderlərindən biri olan “McAfee” şirkətini 7,68 milyard dollara alıb.
