Asiya İnkişaf Bankı (AİB) Azərbaycanın dəmir yolu sisteminin
rəqəmsallaşdırılması üçün 47 milyon dollar kredit ayırıb.
Xeberler.az məlumat verir ki, məsələyə Azərbaycan İnternet Formunun Prezidenti, ekspert Osman Günüz münasibət bildirib.
Ekspert bildirib ki, layihəyə nəzər saldıqda görünür ki, əslində layihənin məbləği 60 milyon dollar müəyyən olunub. Lakin cari xərclər üçün nəzərdə tutulan, təxminən 13 milyon dollar hökumət tərəfindən ödəniləcək.
Qeyd edək ki, layihə 5 il müddətində nəzərdə tutulub, 2028-ci ildə başa çatacaq.
Osman Gündüzün sözlərinə görə, yetərincə böyük, nəhəg bir İT layihəsidir:
"Xatrıladıram ki ADY-də rəqəmsallaşma ötən illərdən başlayıb. ADY son illər bu istiqamətdə bir neçə tender keçirib və layihələr icra edib. Görünür ki, mövcud İKT sistemi son zamanlar xeyli artan beynəlxalq əlaqələr, inteqrasiyalar və yükdaşımanın həcminin xeyli artması nəticəsində qarşıya qoyulan vəzifələrin icrasına imkan verməyib. Məhz bu səbəbdən ADY və RİNN “Azərbaycan Dəmir Yollarının Rəqəmsal Transformasiyası Layihəsi”ni hazırlayaraq kredit üçün AİB-ə təqdim ediblər".
Ekspert qeyd edib ki, ADY cari ildən başlayaraq dəmir yol sistemini rəqəmsallaşdırmalıdır: "Əsas məqsəd optimallaşdırma, səmərəliliyin artırılması, təhlükəsziliyin təmin edilməsi, data analitika və avtomatlaşdırılmış planlaşdırma alətlərinin tətbiqi ilə idarəetmənin təkmilləşdirilməsinin təmin edilməsidir".
Osman Gündüzün sözlərinə görə, layihə çərçivəsində Cargo Menecment Sisteminin, Cargo Kommersiya Sisteminin, SAP sistemlərinin, hərəkətə nəzarət sisteminin və köhnəlmiş İT sistemlərinin yenilənməsi və təkmilləşdirilməsi, İT infrastrukturunun inkişafı və s. nəzərdə tutulub.
Ekspert ümid edir ki, sərnişindaşımada uzun müddət işləməyən daxili dəmir yol infrastrukturunun da rəqəmsallaşması, regional dəmir yol stansiyaların rəqəmsallaşması da layihədə nəzərdə tutulub:
"ADY-nin rəqəmsal transformasiyası layihəsinin təsvirində nəzərdə tutulanlar reallaşarsa ADY tam fərqli, modern bir quruma çevriləcək. Bununla da qurumun effektivliyi və səmərəliliyi artacaq, xərcləri azalacaq, sərnişindaşıma və yükdaşımada təhlükəsizlik təmin ediləcək, idarəetmə tam avtomatik olacaq".
