Bildirdiyimiz kimi MİDA “Güzəştli mənzil” sisteminin sınaq (demo) versiyasını istifadəyə verib.
Xeberler.az bildirir ki, bununla bağlı Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.
"Nəhayət ki, MİDA bununla bağlı açıqlamada “Güzəştli mənzil” sistemində 15 – 22 sentyabr 2022-ci il tarixində keçiriləcək mənzil seçimi prosesinə əlavə təhlükəsizlik tədbirləri tətbiq edildiyini bildirib. Amma bu tədbirlərin nədən ibarət olması haqqında məlumat verilməyib.
Cəmiyyəti bununla bağlı narahat edən suallar isə yetərincədir :
1. Sistemin İT auditi aparılıbmı, kənar müdaxilələrdən qorunma təmin edilibmi?
Hansı dövlət və ya özəl qurum sistemin auditini təşkil edib?
2. Seçim zamanı Botlar və digər proqram təminatlarından istifadə yenə mümkün olacaqmı? DEMO versiyanınn kodları ilə satış modulun kodları dəyişdirilibmi?
3. Onlayn satışdan dərhal sonra seçim prosesinin bütün mərhələlərini əks etdirən data açıqlanacaqmı?
4. Onlayn satış prosesi sosial media və TV -də canlı yayımlanacaqmı?
5. Onlayn satış prosesində şəffaflıq və ictimai nəzarət üçün hansı imkanlar yaradılacaq?
6. Güzəştli mənzil kateqoriyasının genişləndirilməsi nəzərdə tutulubmu?
7. Güzəştli mənzil satışının alternativ üsulları, oflayn formada satış nəzərdə tutulurmu?"
