Ekspert: MİDA-nın bütün bunlara ağlabatan bir cavab verməsi doğru olardı.

00-00-0000 / 17:35

MİDA(Mənzil İnşaatı Dövlət Agentliyi) bugün həyata keçirilən onlayn satış haqqında açıqlama verib. Lakin sözügedən açıqlamada sosial medianın hədəflədiyi sualların əksəriyyətinə cavab verilməyib.

“MİDA bəzi məqamları (fərdi məlumatlarla bağlı hissələri) çıxmaq şərtilə onlayn satış prosesini əks etdirən bütün log faylları açıqlamalıdır”

Xeberler.az bildirir ki, bunu Azərbaycan İnternet Formunun Prezidenti, ekspert Osman Gündüz deyib.

Ekspertin sözlərinə görə, iddialar var ki, 4-5 saniyədə sistemə daxil olarkən seçim etmək olmayıb. Həmçinin daha hazırlıqlı, hətta ola bilsin ki botlardan istifadə edənlər də seçim edə bilməyiblər.

Osman Gündüz bildirir ki, MİDA-nın ortaya çıxan suallara ağlabatan cavab verməsi doğru olardı. MİDA sistemi hansı sayda botları sistemdən kənarlaşdıra bilib, və ya Satış zamanı kənardan kiber hücumlar olubmu və bunun yekun nəticəyə hansı təsirləri olub? Botların, robotların qarşısını almaq üçün yeni mexanizmlər nəzərdə tutulurmu ?

“Seçim prosesində eyni bir İP ünvanlardan daxil olan müraciətlərin sayı ilə bağlı ağlabatan bir açıqlama olması faydalı olardı. Ən tez və ən gec satılan mənzillərlə bağlı log faylları da qeyd etmək vacibdir.

Ekspertin fikrinə görə, insan müdaxiləsi olmadan həyata keçirilən satış prosesi nə qədər əhəmiyyətli olsa da, korrupsiya riskləri az olsa da sistem daim təkmilləşdiriliməli və şəffaflıq artırılmalıdır.

“Süni seçimlərin, robot seçimlərin qarşısını almaq üçün müntəzəm yeniliklər edilməlidir. Mütləq olaraq növbəti onlayn satışın TV-də və Sosial mediada canlı yayımı təşkil edilməlidir. Və əlbəttə ki, güzəştli mənzillər üçün yalnız onlayn satış deyil, alternativ satış formalarının tətbiqinə də yer verilməlidir”

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə