Ericsson və LG birgə müəssisəsinin yeni rəhbərini açıqlayıb

03-11-2015 / 11:14

Ericsson və LG şirkətləri telekommunikasiya avadanlığı istehsalında ixtisaslaşan birgə müəssisəsinin yeni baş direktorunun adını açıqlayıb.

Xeberler.az-ın xarici mətbuata istinadən məlumatına görə, Ericsson-LG müəssisəsinin rəhbəri vəzifəsinə Patrik Yohansson təyin edilib. O, yeni vəzifəyə təyin olunmamışdan əvvəl şirkətin Cənubi Koreyada korporativ biznes üzrə vitse-prezidenti vəzifəsini tutub.

Ericsson şirkətində 1997-ci ildə fəaliyyətə başlayan P.Yohansson o vaxtdan bir neçə vəzifədə çalışıb. O, 2012-ci ildə Ericsson-LG Direktorlar Şurasının tərkibinə daxil olub. Bundan başqa, Ericsson-un Hindistan, Avstriya, Çin və Vyetnam ofislərində işləyib.

2005-ci ildə təsis edilən Ericsson-LG mobil şəbəkələr üçün ən böyük avadanlıq istehsalçısı üçlüyünə daxildir. Lider 40 faizlik bazar payı ilə Samsung şirkətidir, Nokia və Ericsson-LG ikinci yer uğrunda mübarizə aparır. Ericsson-un birgə müəssisədə payı 75 faiz təşkil edir, qalan 25 faiz LG Electronics şirkətinə məxsusdur.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.