Ev üçün elektrik batareyalarının istehsalına başlanılır

02-05-2015 / 11:01

ABŞ-ın “Tesla” şirkəti ev və mənzilləri elektrik enerjisi ilə təmin etmək üçün elektrik batareyaları yaradaraq istehsalına başlayıb. Bu barədə keçirilən təqdimatda şirkət rəhbəri, məşhur ixtiraçı və sahibkar İlon Mask deyib.

 İndiyədək “Tesla” elektrik mühərrikli avtomobillər istehsalında dünya lideri kimi tanınıb. Hazırda şirkət fəaliyyətini yaşayış evləri və ictimai iaşə müəssisələrini elektrik enerjisi ilə təchiz etmək istiqamətində genişləndirir.

 “Biz bazara yeni məhsulla - “Powerwall” ev batareyası ilə çıxırıq. Görünür, ABŞ neft və qazı keçmişdə qoyaraq yeni energetikaya keçməli olacaq. Biz evləri günəş enerjisi və yaradılan elektrik enerjisini saxlamağa imkan verən yeni nəsil batareyaları birləşdirməklə elektrik enerjisi ilə təmin edəcəyik”, - E.Mask bildirib.

 Xəbərlər RYTN-nin rəsmi saytına istinadən  məlumat verir ki, “Powerwall” günəş şüaları ilə işləyən generatordan enerji toplaya bilən litium-ion batareyadır.  “Biz kömür, mazut və ya digər faydalı yanacaqla işləyən ənənəvi elektrik stansiyalardan tam imtina etməyə imkan verən sistem yaratmışıq”, - “Tesla” rəhbəri bəyan edib.

 Şirkət cari ilin yayından yaşayış sektoru üçün elektrik batareyalarının satışı və quraşdırılmasına (10 kVt/saatlıq 3,5 min dollar, 7 kVt/saatlıq 3 min dollar) başlayacaq.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.