TEXNOLOGİYA

Elektrikli avtomobillər xüsusilə son 5 ildə çox populyarlaşıb. Bu avtomobillərin nə qədər müsbət tərəfi olsa da, bəzi insanlar  avtomobillərdə akkumulyator səbəbiylə meydana gələ biləcək risklərdən ehtiyat edirlər.

Bu məqamda elektrikli avtomobillərin zəlzələ, daşqın və yanğın kimi təbii fəlakətlərdə nə qədər təhlükəsiz olması ilə bağlı müzakirələr başlayıb. Digər tərəfdən, elektrik enerjisi olmayan bölgələrdə soyuducu və əsas ehtiyaclarını elektriklə işləyən avtomobillərindən təmin edənlər də olur. 

Xeberler.az xarici mediaya istinadən bildirir ki, ötən ay ABŞ-ın cənub-şərqini vuran "İan" qasırğası da bu müzakirələri gündəmə gətirib.

Xatırladaq ki, qasırğa Florida ştatında fəsadlar törədib. Qasırğanın təsirli olduğu bölgədə 400 min insan işıqsız qalıb və çox sayda evləri su basıb. Bundan əlavə, 95 min qeydiyytada olan elektrikli avtomobili olan əyalətdə elektriklə işləyən avtomobillərin yanması xəbəri də gündəmə gəlib. Duzlu suya məruz qalan avtomobillərin akkumulyatorlarının korroziyaya uğraması elektrik avtomobillərinin alışmasına səbəb olub. 

Qasırğadan nə qədər elektrik avtomobilinin zərər çəkdiyi hələlik məlum deyil.

Elektrikli avtomobillər daxili yanma mühərrikli avtomobillərdən daha təhlükəsiz hesab olunur. Bütün elektrikli nəqliyyat vasitələrinin enerji mənbəyi olan litium-ion batareyalarının alışqan olduğu məlumdur. Zədələndikdə qısaqapanma yarada bilən güc elementləri səbəbindən yanğına səbəb ola bilər. Bununla belə, daxili yanma mühərrikli nəqliyyat vasitələrinin istifadə etdiyi benzinlə müqayisədə litium-ion batareyalarının yanğın riski xeyli azdır.

Elektrikli avtomobillərin yanması xəbəri paylaşılsa da, qasırğanın elektrik xətlərində yaratdığı problemin həlli elektriklə işləyən avtomobillərdən gəlib. 

Bloomberg-in hesabatına görə, Westley və Sarah Ferguson adlı cütlük Ford F-150 Lightning-ə bağladıqları uzatma kabeli sayəsində soyuducularını, televizorlarını və lampalarını enerji ilə təmin edə biliblər. Beləliklə, elektrik avtomobil ehtiyat batareya kimi işləyib.

Zəlzələ, sel və fırtına kimi təbii fəlakətlər dünyanın mühüm gündəmlərindən biri olacaq sektor daxilində müzakirə edilən təhlükəsizlik şübhələrini artırır. Ancaq bu iki ifrat nümunə bu müzakirəyə yeni bir ölçü gətirsə də, görünür ki, təhlükəsizlik məsələsinin gələcəyi batareya sahəsindəki Ar-Ge araşdırmaları ilə müəyyən ediləcək.

Xeberler.az