Facebook-dan yenilik

06-04-2016 / 18:28

Facebook gözdən əlil və zəif görənlər üçün istifadəyə verdiyi yeni funksiya onlara şəkildə təsvir edilmiş obyekti görməyə imkan verəcək.

Sözügedən funksiya avtomatik olaraq şəklin qısa mətn təsvirini tərtib edə və ucadan səsləndirmək imkanına malik olacaq.

Xeberler.az RYTN-in elektron xəbər xidmətinə istinadən məlumat verir ki, artıq gözdən əlil insanlar süni intellektin köməyi ilə şəkildə təsvir edilmiş obyekt haqda daha dolğun məlumat əldə edə biləcəklər.

Facebook-un kompüter təlimi alqoritmləri fotoda təsvir edilmiş obyektləri müəyyənləşdirərək onları ucadan səsləndirəcək: "Məsələn, bu şəkildə səma, ağac, hava təsvir edilib". Yeni funksiya hələ ki iOS platforması ilə işləyən qurğular üçün sosial şəbəkənin kliyentinin ingilisdilli versiyasında əlçatandır. Bu funksiyadan istifadə etmək üçün ilk öncə VoiceOver (Sazlamalar - Əsaslar - Universal giriş) səs müşayiəti proqramını aktivləşdirmək lazımdır.

Şirkətin nümayəndəsi Ceff Vilandın sözlərinə görə, tezliklə təsvirin tanınması funksiyası Android ilə işləyən smartfonlar üçün də əlçatan olacaq. Bundan sonra funksiya başqa dilləri də dəstəkləməyə başlayacaq. 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.