Facebook istifadəçilərdən üzr istədi

28-03-2016 / 14:26

Məlumat verdiyimiz kimi, Facebook son vaxtlar müxtəlif ölkələrdə  terror hadisələri zamanı əhalinin təhlükəsiz ərazidə olduğunu göstərmək üçün Safety Check – Təhlükəsizlik xidmətini tez-tez istifadə edir.

Son dövrlərdə isə ən çox Türkiyədə olan terror hadisələrində  bu xidmət istifadəyə verilir.

Xeberler.az xarici mediaya istinadən məlumat verir ki,  Facebook Pakistanın şərqində yerləşən Lahor şəhərində baş verən terroru Türkiyədə zənn edib, məkanı yalnış işarə edib.

Belə ki, dünən Türkiyədə yaşayan istifadəçilərə bu xəbərdarlıq göndərilib.

Məsələ ilə bağlı Facebook rəsmi açıqlama yayıb. Şirkət bu səhvini qəbul edib. və istifadəçilərdən üzr istəyib.

Məlumatda qeyd edilir ki, şirkət növbəti dəfə belə problemin baş verməməsi üçün xüsusi tədbirlər görür.

Safety Check  baş verən hadisədə insanların təhlükəsiz  ərazidə  və sağlam olmaları barədə məlumat təqdim edir.

Xatırladaq ki, dünən Lahor şəhərində törədilən partlayış nəticəsində 38 nəfər ölüb, 100-ə yaxın insan yaralanıb.

Partlayış Qulşan-e-İkbal parkı yaxınlığında baş verib. Polisin ilkin məlumatına görə, partlayışı terrorçu-kamikadze törədib.

 

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.